«Бура» бөбекжай балабақшасы жеке меншік мекемесі Бейбітшілік көшесі №20 а мекен жайда орналасқан. Жас аралық топ бөлмелері қазіргі заманға сай ойыншықтарымен,құрастыру, үстел-үсті және дидактикалық ойындармен ,балалар көркем әдебиетімен,қуыршақ үстел театрымен ,мазмұнды-рөлдік ойындармен,сахналау ойындар атрибуттарымен ,қимылды –қозғалыс ойындарымен толықтырылып,Қазақстан Республикасы мектепке дейінгі тәрбие мен оқытудың мемлекеттік жалпыға міндетті стандарты талаптарына сай жабдықталған.Педагогикалық ұжымның барлық күш жігері әр баламен жеке жұмыс жүргізуге және олардың ата-аналарына ерекше көңіл бөлуіне бағытталған. Балалардың өмірін ұйымдастыруға пәндік-дамытушылық орта материалдық-техникалық, тазалық-гигиеналық,психология-педагогикалық,эстетикалық жағдайлар кешенге сай жасалған. Балалардың физикалық және психологиялық көңіл күйлерін жақсы болуын қамтамсыз ететін жағдайлар жасалған.Біз өз бағытымызды балаларды өз денсаулықтарына саналы қарауға,ана тілінде және басқа тілдерде ауызша коммуникативті тәсілдердің әр түрін қолдануға, шығармашылық,танымдық қабілеттерін арттыруға,қазақ халқының және Қазақстан Республикасында тұратын басқа да халықтардың мәдениет құндылықтарын түсінуге,балаларды қамқорлық,ықылас,өзара көмек көрсетуге ынталандыруға,ата-аналарды педагогикалық процеске қатыстыруға,балалардың жастарын және жеке мүмкіндіктерін ескере отырып,негізгі құзыреттіліктерін қалыптастыруға бағыттаймыз
